Maila Aurreratua: aholkatutako irakurgaiak

Hainbat ikaslek galdetu didate eskolan derrigorrez irakurri beharreko irakurgaiez gain zein liburu irakur lezaketen maila honetan. Hona hemen aholkatutako zenbait irakurgairen zerrenda. Eskolako liburutegian dauzkazue mailegagai.

Maila Aurreratuko ikasleei aholkatutako zenbait irakurgai:

 Amaren eskuak. Jaio, Karmele. Elkar.

 Morto Vivace. Arretxe, J., Elkar.

 Zer barkaturik ez. Ladron Arana, Alberto. Elkar.

 Bi letter jaso nituen oso denbora gutxian. Atxaga B. Elkar.

 Sugeak txoriari begiratzen dionean. Atxaga B. Elkar.

 Gorroto haut. Batzuk. Alberdania.

 Hitz eginen balute. Herriot J. Elkar.

 Ezer baino lehen. Iturbe A. Elkar.

 Ai ama! Iturbe A. Alberdania.

 Lehenago zen berandu. Iturbe A. Alberdania.

 Urtebete itsasargian Meabe, M.A. Elkar.

 Mandelaren Afrika. Olasagarre J. Susa.

 110 Street-eko geltokia. Zabaleta I. Susa.

 Ainhoari gutunak. Sarrionaindia J. Elkar.

 Atlas sentimentala. Zubizarreta P. Alberdania.

 Jeans-ak hozkailuan. Zubizarreta P. Alberdania

EUSKARA IKASLEAREN TXARTELA

Ikasleok:

Aurreko ikasturteetan bezala, Irungo Udalak Euskara Ikaslearen Txartela jarri du martxan, Irunen euskara ikasten ari zareten guztiontzat. Txartel hau aurkeztuz, ikasleok euskarazko hainbat produktu eta zerbitzuri buruzko informazioa jaso ahal izango duzue eta hainbat erakunde eta argitalpenek eskaintzen dituzten produktu eta sarreretan beherapenak izango dituzue, hala nola, Amaia Kultur Zentroan, Oiasso Museoan, Eureka Zientzia Museoan eta Aquarium-ean; halaber, baldintza bereziak  izango dituzue Berria egunkariaren eta Luma, Argia nahiz Gaztezulo aldizkarien harpidetzan, baita Elkar eta Oskarbi liburu-dendetan ere.

Aurten, ordea, aurreko urteetan ez bezala, txartel hau eskuratzeko eskabide-orriak zeuek jaitsi beharko dituzue www.irun.org web-gunetik; inprimatu eta datu pertsonalekin bete ostean, hizkuntza eskolara eraman itzazue, bertako zuzendariak hango ikasleak zaretela ziurtatzeko. Eman, beraz, euskara irakasleari.

Dabid