Maila Aurreratua: AUKERAKO ENTZUNGAIA: Horoskopoa eta sexua

Zodiakoko zeinuak eta sexua. Nolakoa zara ohean?

Ba al dakizu zein den zure zeinua horoskopoan? Ziur ez bazaude, begiratu bat eman segidan duzun zerrendari:

  CAPRICORNUS (abenduak 24-urtarrilak 20)
  AQUARIUS (urtarrilak 21-otsailak 18)
 PISCES (otsailak 19-martxoak 20)
  ARIES (martxoak 21-apirilak 20)
  TAURUS (apirilak 21-maiatzak 20)
  GEMINI (maiatzak 21-ekainak 20)
  CANCER (ekainak 21-uztailak 20)
  LEO (uztailak 21-abuztuak 23)
  VIRGO (abuztuak 24-irailak 23)
  LIBRA (irailak 24-urriak 23)
  SCORPIUS (urriak 24-azaroak 23)
  SAGITARIUS (azaroak 24-abenduak 23)

Gaztea irratiko Akabo Bakea saioko Luzia eta sexua, tartean nork bere horoskopo-zeinua eta sexuaren arteko harremanaz hitz egin du Luziak.
Zeinu bakoitzaren deskribapenaz gain, zeinu bakoitzarekin bateragarri direnak aipatzen ditu. 

JARDUERA ENTZUN ETA EGITEKO, KLIKATU HEMEN: Horoskopoa eta sexua

Zeinuak, banan-banan

Segidan entzungai duzu irratsaioan entzundakoaren laburpena. Begiratu bat eman eta argitu hiztegi-mailako zalantzak. Hona hemen, banan-banan:

Taurus
Burugogorrak dira, ez dute harreman batean pentsatzen, aurrera begira ez dute ezer nahi, amodio-afera bat besterik ez. Taurus batekin zerbait gehiago nahi duenak berak eman beharko du pausua. Bere bikotekideak animatu beharko ditu harremana iraunkorragoa izan dadin, nahiko hotzak direlako.
Sagittarius, Cancer eta Leorekin da bateragarria zeinu hau.

Cancer
Zalantzatiak dira eta mimoak gustatzen zaizkie, baina ohean agintea hartzea gustatzen zaie. Bere bikotekideari plazera eman nahi diote.
Pisces, Leo, Taurus eta Scorpiusekin da bateragarria zeinu hau.

Aries
Zeinu beroa da, sutsua. Euren modukoak direnak bilatzen dituzte Aries zeinupean jaiotakoek. Jolastea, esperimentatzea gustatzen zaie, ez dute errutinan jausi nahi. Ez dira fidelak izaten.
Scorpius eta Sagittariusekin da bateragarria zeinu hau.

Gemini
Exhibizionista fama dute eta bipolarrak direla ere esaten da.
Toki berezietan sexua praktikatzea gustatzen zaie, gauza desberdinak egiteko interesa adierazten dute.
Leo, Scorpius, Aries eta Libra zeinuak dira prest daudenak Gemini zeinua dutenen morboa onartzeko.

Scorpius
Sexu-irensleak dira, pozoia dira. Eztena sartzen dizute barruraino. Beren armak erabiltzen dituzte nahi dutena lortu arte. Ohera eraman arte direnak eta bi egingo dituzte; gero, ezer ez.
Dominatzaileak dira eta ez diote betiko maitasuna agintzen bikotekideari. Erraza da euren sareetan erortzea, baina ez dute bigarren zita adosten. Koipekeriatan aritzea gustatzen zaie.
Zeinu arriskutsua da.

Leo
Sutsuak dira sexuan. Seduzitzeko gaitasuna daukate, dena ematen dute eta beti daude laguntzeko prest, oso edukazio onekoak dira. Eurentzat sexuak ikaragarrizko garrantzia dauka harremanean, ez dute irudikatzen sexurik gabeko harremanik.
Zeinu hauekin lor dezakete nahi duten oreka: Scorpius, Libra eta Aries.

Pisces
Uretako zeinua da. Cancer litzateke beretzat zeinu egokia. Oreka bilatzen dute Pisces zeinukoek bikotekide batengan. Kalitateko sexua axola zaie.
Jo eta su arituko dira Capricornus edo Scorpius zeinuko kideekin.

Virgo
Ez dira lehenengo zitan oheratzen diren horietakoak. Segurtasuna behar dute, pertsona zintzoak bilatzen dituzte eta sexuan ere hasieratik zer nahi duen garbi uzten duen pertsona nahi dute. Behin konfiantza hartuta, eurek ere libreago jokatzen dute, baina hasieran mugak jartzen dituzte.
Gemini, Aquarius eta Cancerrekin da bateragarria zeinu hau.

Sagittarius
Emozio eta abentura berrietarako aproposak dira, hori gustatzen zaie. Ez dute loturarik nahi eta harreman luzea edukiz gero, sexu askea defendatzen dute.
Aries, Leo eta Aquariusekin da bateragarria zeinu hau.

Aquarius
Ondo ezberdintzen dituzte sexua eta maitasuna. Hasiera batean, sexu inprobisatua bilatzen dute, baina behin harrapatuz gero, ez dago Aquarius bat askatzerik. Irudimen handia dauka eta erakarpen sexual handia izan behar dute pertsona batekin joateko. Bestela, sexua igual bai, baina hortik aurrera, zaila izango da beste pausurik ematea.
Libra, Sagittarius eta Geminirekin da bateragarria zeinu hau.

Libra
Libra zeinua dutenen helburu nagusiak dira plazera bilatzea eta sexua praktikatu eta gero ondo sentitzea. Nahiko sutsuak dira, sexurako gogo handia izaten dute.
Leo, Gemini eta Aries zeinukoak dituzte gustuko.

Capricornus
Eurentzat sexua eguneroko monotoniatik ateratzeko modu bat da. Dena ematen dute sexuan eta ez sexuan bakarrik, harreman batean ere bai.
Ez dira errazak, ulertzeko esfortzua egin behar da eta Capricornus bat ulertzeko pazientzia behar da, baina behin lotura hori lortuta, erraza gertatzen da.
Scorpius, Pisces eta Taurusekin da bateragarria zeinu hau.