2020/12/23
2020/12/21
2020/12/16
2020/12/14
2020/12/09
2020/12/02
2020/11/27
2020/11/25
2020/11/21
B2.2 maila: Dohain berezi bat dutelako...
Ikasleok, horoskopoaz mintzo izan garenean, medium-en gaia atera da. Batzuek sinesten dute pertsona horiengan eta bizion eta hildakoen arteko bitartekari direla uste dute. Beste batzuek, berriz, frogatu edo egiaztatu ezin den oro ez dutela sinesten adierazi didate. Aukera paregabea iruditu zait duela aste pare bat ETBko "Biba zuek" saioko atal hau ikus dezazuela animatzeko.
2020/11/18
2020/11/13
2020/11/11
Etxean, inon baino gusturago
Etxe-trukea hizpide izan dugunez, zuek "etxezaleak" = "etxekoiak" = "etxezuloak" zarete?
Kontuz erdarakada hauekin!
Oraindik badira "convertirse en..." kalkatzen duten ikasleak! Euskaraz, MUGAGABEA + bihurtu!!
Eta oroitu, halaber, "atentzioa deitu" erdarakada dela!
2020/11/07
2020/11/04
2020/11/02
Beste aldera igaro direnak
Atzo, azaroak 1, Santu Guztien Eguna izan zen, hildakoak oroitzeko eta gogoan izateko eguna. Heriotzaren trataera eta onarpena ezberdina da kultura batzuetan eta besteetan. Badira hildakoak zerura / infernura joaten direla sinisten dutenak, baita hildakoak berpizten eta berraragitzen direla uste dutenak ere (animalia bihurturik edo jaioberri baten baitan). Halaber, gure artean norbait hiltzea gertaera latz eta tristea da; beste kultura batzuetan, berriz, zerbait pozgarria eta ospatzekoa. Kontuak kontu, askotan galdetzen diogu geure buruari ea hildako horiek nora doazen, ea erabat hiltzen diren ala beste aldera igaro eta handik zelatatzen nahiz babesten gaituzten. Horren harira, badira hildakoekin harremantan jartzeko ahalmena dutenak, hildakoen eta bizien arteko artekari gisa aritzen direnak. Gaia interesgarria iruditzen zaidanez, honi buruz EITBn izandako saio bat ipini dizuet hemen, zuei ere interesgarria irudituz gero ikus dezazuen.
2020/10/28
B2.2 maila: Lehenengo eskola eguneko irudiaren deskribapena, erlatibozkoak erabiliz.
Ikasleok: hemen dituzue aurreko urteetako ikasleek sortutako hainbat erlatibozko esaldi. Erreparatu arretaz klasean azaldutako eta nik kolorez nabarmendutakoei. Mila esker.
2020/10/26
B2.2 maila: Altzoko Handiaren hezurren atzetik...
Ikasleok: Zer arraio gertatu zen Altzoko Handiaren hezurrekin? Egia al da bere garaian hilobia profanatu eta hezurrak lapurtu zituztela eta, beraz, ez daudela egun Altzoko hilerrian? Ala hezurrak desegin egin ote ziren osteoporosiaren ondorioz? Akaso hilobia hustu egin zuten hurrengo hildakoei lekua egiteko? Bada... berriki (=oraintsu = orain dela gutxi) hezur horiek topatu dituzte! Bai, ongi irakurri duzu. Ikus honako bideo hauek.
2020/10/21
B2.2 maila: "Ahuntzaren gauerdiko eztula"
Ikasleok: aste honetan agertu zaigu honako esapide hau "ahuntzaren gauerdiko eztula izan" ("erraza izan" esan nahi duena) . Gogoan duzue? Normalean ezezko esaldiak egiteko erabiltzen da eta beraz, zerbait ez dela erraza esan nahi du, ez dela txantxetako kontua, ez dela huskeria. Bi adibide agertu zaizkigu klasean:
Altzoko Handiari jaten eta edaten ematea ez zen ahuntzaren gauerdiko eztula.
Gaur egun haurrak heztea ez da ahuntzaren gauerdiko eztula.
Bada, kasualitatez, duela gutxi agertu zen esapide hori Twitterren.
B2.2: Agoteei buruz gehiago jakin nahian
Agoteei buruz gehiago jakin nahi duzue? Bada, hemen duzue ETBko kazetari batek Xabier Santxotenari egindako elkarrizketaren bideotxo bat. Gogoan izan Xabier Santxotenak bere burua agoteen oinordekoTZAT edo ondorengoTZAT daukala eta museotxo bat duela Bozate auzoan. Bideoa ikusi nahi baduzu, klikatu HEMEN.
