Maila Aurreratua: Abiadura Handiko Trena hautsak harrotzen

Tarteko Mailako 36. eskola, otsailaren 25 eta 26koa

36.  eskola, otsailaren 25 eta 26koa

-          NOR-NORK iraganean: perpausak osatzeko ariketa, orainaldiko adizkiak iraganean jartzekoa (nahi duenak adizki hauekin perpausak egin eta niri eman diezazkidala tarte bat dudanean zuzentzeko) eta zuzendu beharreko esaldiak zuzendu.

o   Ohartarazi AGURTU aditza NOR-NORK dela, pertsona bat osorik agurtzen delako (nik zu agurtu zaitut > zintudan) baina,  AGUR EGIN edo AGUR ESAN, nor-nori-nork (nik zuri agur egin = agur esan dizut > nizun), KASU EGIN edo JARAMON EGIN bezala (zuk niri kasu egin = jaramon egin didazu > zenidan).

Tarteko Maila: Inauterietan goazen elkarrekin bidaiatzera!!

Tarteko Maila: iraganeko nor-nork lantzeko mintza-jokoa

Maila Aurreratua: Hondarribiko aireportua mintzagai

Tarteko Mailako 35. eskola, otsailaren 20 eta 24koa

35.  eskola, otsailaren 20 eta 24koa

 

-          NOR-NORK iraganean : 195. orrialdeko ariketa zuzendu dugu. Oharrak:

a.       Gaitz erdi ! = Eskerrak!

b.      Errieta egin = errieta eman, baina ez “errieta bota” edo “bronka bota” (erdarakada) Gurasoek errieta eman  = egin didate, bart gauean berandu etxeratu naizelako.

c.       Lotsagarri utzi: dejar en ridículo = lotsarazi

d.      Ukatu (ezetz esatea) / uko egin:  San Pedrok ukatu egin zuen Jesukristo ezagutzen zuela; matrikulARI uko egin dio ikasle horrek.

e.       Nik lo hartu nuen = Loak (ni) hartu ninduen = lokartu nintzen

Maila Aurreratua: Mugikortasuna hizpide

Maila Aurreratua: Ezinduen zailtasunak hirian

Tarteko Mailako 34. eskola, otsailaren 18 eta 19koa

34.  eskola, otsailaren 18 eta 19koa

 

-          NOR-NORK iraganean. 194. orrialdeko ariketa zuzendu dugu. Ohartarazi “etxeko bezala” erderakada dela > “etxekoTZAT hartu gintuzten”.

Tarteko Mailako 33. eskola, otsailaren 13 eta 17koa

33.  eskola, otsailaren 13 eta 17koa

-            Perpaus kontzesiboak: Goizeko taldean, 203. orrialde osagarria zuzendu dugu; arratsaldeko taldean, berriz, kontzesiboen berridazketa osagarriak. Bertan, bi kontzesibozko egitura azpimarratu ditugu: -AGATIK (ERE) eta GABE ERE (=BARIK ERE), azken hau, ezezko perpausetan erabiltzen dena.

a.       GABE ERE (BARIK ERE) kontzesiboari dagokionez, esan partizipioarekin erabiltzen dela, baina derrigorrez ezezko perpausa izan behar duela. Zuek esan GABE ERE, badakit Ane gaixorik dagoela. (=Zuek ez esan arren,…). Lazkaoko apaizari buruzko berridazketetan atera zitzaigun jada.

b.      -AGATIK (ERE) kontzesiboari dagokionez, adierazi erraza dela              –T(z)EAGATIK kausazkoarekin nahasten, baina ez dezatela nahastu: lehenengoak, hots, kontzesiboak, partizipioa darama; bigarrenak, hau da, kausazkoak, nominalizazioa:

Asko ikasiagatik (ere), ez dut gainditu (=asko ikasi dudan arren) (KONTZESIBOA)

Asko ikasteagatik gainditu dut (=asko ikasi dudalako) (KAUSAZKOA)

Tarteko Mailako 32. eskola, otsailaren 11 eta 12koa

32.  eskola, otsailaren 11 eta 12koa

-          Kontzesiboen berridazketak datozen orrien kopia bana eman diet ikasleei, eurek txukun-txukun koadernoak ipin ditzaten.

-          Kontzesiboekin jarraituz, arratsaldeko taldean,  orria (203 eta 205. orrialdeak) zuzendu dugu; goizekoan, berriz, E orriko 205. orrialdea  eta Guretzat zerua infernua da jarduerako azken hiru kontzesiboak (modu guztietara). Zuzenketa astiro egin dugu,beharrezko azalpenak emanez. Besteak beste, honako hau gogorarazi diet:

-          Nik ikasturte amaierako azterketa GAINDITU (partizipioa) NAHI DUT (subjektu bakarra: nik nahi dut, nik gainditu).

-          Nik zuek ikasturte amaierako azterketa gaindiTZEA (nominalizazioa) NAHI DUT (bi subjektu: nik nahi dut, zuek gainditzea).

-          Nik NAHIAGO DUT hondartzara JOAN (partizipioa), mendian ibili baino (subjektu bakarra: nik nahiago dut, ni hondartzara joan)

-          Nik NAHIAGO DUT zuk bazkaria prestaTZEA (nominalizazioa), ni oso sukaldari kaskarra naiz eta (bi subjkektu: nik nahiago dut, zuk prestatzea).

Tarteko Maila: Hegaldi merkeak