Tarteko Mailako 34. eskola, otsailaren 18 eta 19koa

34.  eskola, otsailaren 18 eta 19koa

 

-          NOR-NORK iraganean. 194. orrialdeko ariketa zuzendu dugu. Ohartarazi “etxeko bezala” erderakada dela > “etxekoTZAT hartu gintuzten”.

-          AHOZKO ADIERAZPENA I: ITSASONTZIEN JOKOA, NOR-NORK iraganean. Ikasleak binaka elkartu eta honetan jardun dute. Honela, gaurkoan eurek ekoiztu behar izan dituzte esaldiak, nor-nork adizkiak erabiliz. Merezi duen jarduera da, luze jotzen duen arren.

-          Goizeko taldean, Agate Deuna izeneko ulermen-jarduera zuzendu dugu, beharrezko azalpenak emanez. Otsailaren 5ean  Santa Ageda eguna zela-eta, aitzakia horrekin, santu honi buruzko ulermen jarduera banatu nien. Jarduera honetan, hainbat esaldi txertatu behar zituzten ikasleek testuan. Atzealdeko orrialdean, Santa Ageda koplak dituzte.

-            Goizeko taldean, perpaus kontzesiboen berridazketa osagarriak zuzendu ditugu. Bertan, bi kontzesibozko egitura azpimarratu ditugu: -AGATIK (ERE) eta GABE ERE (=BARIK ERE), azken hau, ezezko perpausetan erabiltzen dena.

a.       GABE ERE (BARIK ERE) kontzesiboari dagokionez, esan partizipioarekin erabiltzen dela, baina derrigorrez ezezko perpausa izan behar duela. Zuek esan GABE ERE, badakit Ane gaixorik dagoela. (=Zuek ez esan arren,…). Lazkaoko apaizari buruzko berridazketetan atera zitzaigun jada.

b.      -AGATIK (ERE) kontzesiboari dagokionez, adierazi erraza dela              –T(z)EAGATIK kausazkoarekin nahasten, baina ez dezatela nahastu: lehenengoak, hots, kontzesiboak, partizipioa darama; bigarrenak, hau da, kausazkoak, nominalizazioa:

Asko ikasiagatik (ere), ez dut gainditu (=asko ikasi dudan arren) (KONTZESIBOA)

Asko ikasteagatik gainditu dut (=asko ikasi dudalako) (KAUSAZKOA)

-          Arratsaldeko taldean, perpaus kontzesiboekin jarraituz, 21. orrialdeko 3. ariketa zuzendu dugu  – aditz jokatuekin nahiz partizipioekin – egin beharreko oharrak eginez, hala nola, honako hauek:

o   Logura naiz = logurak (nola) nago / gose naiz = goseak (nola) nago / hotz naiz = hotzak (nola) nago / bero naiz = beroak (nola ) nago / egarri naiz  = egarriak (nola) nago / beldur naiz = beldurrak edo beldurrez (nola) nago. Alegia, MUGAGABEA + IZAN = -AK + EGON

o   Gaixotasunekin erabiltzen den egitura hau: GripeAK JOTA dago, dabil / SukarrAK JOTA dago ohean / DepresioAK jota dabil azkenaldian / MalariAK JOTA hiltzen dira Afrikan / Fredy Mercury HIESAK JOTA hil zen / Aitona bihotzekoAK JOTA ingresatu dute / AntsietateAK JOTA nabil horrenbeste lanekin! / (salbuespena) lur JOTA dago, dabil.

o   Ohartarazi ezezko ordenaz: Anderrek ezer ikusten EZ duen arren...

-          Arratsaldeko taldean, musika zaletasunarekin jarraituz, musikaterapia izeneko ulermen jarduera zuzendu dugu, astiro, beharrezko azalpenak emanez eta erantzun zuzena behar bezala argudiatuz. Besteak beste, honako ohar hauek egin dizkiet:

-          NORI edo ZERI + AURRE EGIN: Arazoren bat duzunean, arazoARI aurre egin behar diozu, negar egin beharrean; arazoEI aurre egin behar diezu; berokia jantzi dut hotzARI aurre egiteko; jertsea erantzi dut, beroARI aurre egiteko; botika hau hartzen ari naiz gripeARI aurre egiteko…

-          Baliagarria: balio duena  = erabilgarria

-          Haur ZEIN helduekin = haur NAHIZ helduekin = haur ETA helduekin = BAI haurrekin, BAI helduekin

-          Taldeka NAHIZ banaka = taldeka ZEIN banaka = taldeka ETA banaka = BAI taldeka, BAI banaka

-          Musika-tresnEZ (zertaz) BALIATZEN DA = musika-tresnak (zer) BALIATZEN DITU = ERABILTZEN DITU.

-          Eraginkorra: eragina duena, “efectivo”

-          Ahalmena = gaitasuna

-          Musika-terapia espezializazioAREN BERRI IZAN zuenean…

-          ZEREN BERRI IZAN: zerbait jakitea, zerbaitetaz enteratzea. Adib.: Renon euskara ikasteko beka batEN BERRI IZAN DUT.

-          ZEREN BERRI EMAN: zerbait jakinaraztea, informazioa ematea. Adib.: Renon euskara ikasteko beka batEN BERRI EMAN DIET ikasleei.

-          Bide HORRI (zeri) EKITEA erabaki zuen. NORI = ZERI + EKIN. Adib.: LanARI EKIN DIOT etxera iritsi orduko = LanEAN HASI NAIZ etxera iritsi orduko; Euskara ikasTEARI EKIN DIOT Irungo HEOean = Euskara ikasTEN HASI NAIZ Irungo HEOean.

-          Uztartzea = lotzea = bateratzea (kontestu honetan): compaginar

-          UztarTZEA AHALBIDETZEN ZION = uztarTZEKO AUKERA EMATEN ZION

-          Egituratu = antolatu

-          Antzeman = nabaritu

-          AlzheimerrAK JOTAKO helduekin…; DepresioAK JOTAKO pertsona batekin,…

-          BukatuTZAT EMAN = bukatuTZAT HARTU = bukatuTZAT JO; tratamenduTZAT HARTU.

-          Onuragarria = mesedegarria // kaltegarria

-          Frogatu = egiaztatu

-          AHOZKO ADIERAZPENA. Ziberbikoteak ( lehenengo saioa).  (Goizeko taldean, luzaroago jardun dugu, 25 bat minutuz; arratsaldekoekin, asko jota, 15 minutuz). Beste zaletasun Interneteko sare sozialetan ibiltzea da, esate baterako, txateatzen. Honen harira, ziberbikoteei buruzko testua izango dute mintzagai: testua laburtu baino, azpian dituzten puntuak jorratu behar izan dituzte binaka nahiz hirunaka jarrita. Gaiaren gainean jardun dute, euren iritzia emanez. Hasterako, hainbat ohar egin dizkiet:

o   fidakaitza edo mesfidatia // fidakorra

o    bikotea //  bikotekidea

o    neskatan / mutiletan egitea = ligatzea

o    Aurreiritziak: norbait edo zerbait ezagutu aurretik daukagun iritzia, “prejuicio”.

o   norekin + maitemindu

o   aurrez aurre ezagutzea

-          ETXERAKO LANAK :

o   195. orrialdeko 2. ariketa, iraganeko NOR-NORK adizkiak lantzekoa.

o   Ziberbikoteei buruzko testuan ELKAR guztiak azpimarra ditzatela.

o   Goizekoei kontzesiboak lantzeko 21. orrialdeko 3. ariketa.

o   Bi taldeetan, 21. orrialdeko 4. ariketa (kontzesiboak). Aukerakoa da, nahi duenak egin eta zuzen dezan. Aholkua: perpaus bakoitza ahalik eta forma desberdin gehien erabiliz egin dezatela. Kontzesiboak lantzeko etxerako izango duten azken ariketa da. Erantzunak banatu dizkiet.

o   Goizekoek ekar dezatela musikaterapiari buruzko ulermen jarduera; arratsaldekoek, berriz, “kantu eta guzti” izenekoa.