Tarteko Mailako 32. eskola, otsailaren 11 eta 12koa

32.  eskola, otsailaren 11 eta 12koa

-          Kontzesiboen berridazketak datozen orrien kopia bana eman diet ikasleei, eurek txukun-txukun koadernoak ipin ditzaten.

-          Kontzesiboekin jarraituz, arratsaldeko taldean,  orria (203 eta 205. orrialdeak) zuzendu dugu; goizekoan, berriz, E orriko 205. orrialdea  eta Guretzat zerua infernua da jarduerako azken hiru kontzesiboak (modu guztietara). Zuzenketa astiro egin dugu,beharrezko azalpenak emanez. Besteak beste, honako hau gogorarazi diet:

-          Nik ikasturte amaierako azterketa GAINDITU (partizipioa) NAHI DUT (subjektu bakarra: nik nahi dut, nik gainditu).

-          Nik zuek ikasturte amaierako azterketa gaindiTZEA (nominalizazioa) NAHI DUT (bi subjektu: nik nahi dut, zuek gainditzea).

-          Nik NAHIAGO DUT hondartzara JOAN (partizipioa), mendian ibili baino (subjektu bakarra: nik nahiago dut, ni hondartzara joan)

-          Nik NAHIAGO DUT zuk bazkaria prestaTZEA (nominalizazioa), ni oso sukaldari kaskarra naiz eta (bi subjkektu: nik nahiago dut, zuk prestatzea).

-          NOR-NORK adizkia iraganean. 170  or. zuzendu dugu, astiro, beharrezko azalpenak emanez. Honako esapide hau azaldu diet:

HOBERA EGIN / OKERRERA EGIN.

Adib: Gaixoak (nork) hobera egin zuenean, gela arrunt batera igo zuten  // 210. gelako gaixoak (nork) okerrera egin du eta larrialdietara jaitsi dute // Azkenaldian eguraldiak (zerk) nabarmen hobera egin du, baina iragarpenen arabera, datorren asteburuan (eguraldiak) okerrera egingo du.

-          Arratsaldeko taldean, Gramatika eta ariketak liburuko 53. gaia (160. or.) laburbildu ostean, 161. orrialdea zuzendu dugu (izenordain bihurkariak: neure burua…). Honetaz ohartarazi ditut:

o   ZERTAZ? = NORTAZ? BERE BURUAZ…

§  Barre egin

§  Beste egin = bere burua hil

§  Fidatu (NOREKIN fidatu ere ongi legoke)

-          Arratsaldeko taldean, Kermanen Tresnak  entzungaia zuzendu dugu.

-          Arratsaldeko taldean, ENTZUNAREN ULERMENA: Bidaia merkeak. Itemak behar bezala azaldu ostean, hirutan entzun dugu entzungaia eta, ondoren, zuzendu egin dugu, behar bezala argudiatuz.

-          AHOZKO ADIERAZPENA: Eliza gainbehera doa. Koldo Intxausti apaizak adierazi zuena oinarritzat harturik – Eliza zaharkitua geratzen ari dela eta modernizatu beharra dagoela – erlijioen gainean jardun dute solasean ikasleek. Goizeko taldean, 25-30 minutuz; arratsaldeko taldean, 15 minutuz (hurrengoan jarraitzekotan). Zeresan handia eman du gaiak.

-          Goizeko taldean, azterketa zuriko idazlanak zuzentzeko irizpideen berri eman ondoren, idazlanok banatu dizkiet eurek klasean bertan koadernora pasa ditzaten. Bien bitartean, ni mahaiz mahai ibili naiz euren zalantzak argitzen. Luzea etxerako eman diet, baina niri itzultzekotan.

-          ETXERAKO LANAK:

o   Egina ez badute, 171. orrialdeko ariketa egin dezatela (nor-nork iragana)

o   Ekar dezatela Musikaterapia, hurrengoan zuzentzeko.

o   Perpaus kontzesiboen berridazketa osagarriak; goizekoei, 203. orrialdeko kontzesiboak.