Tarteko Mailako 20. eskola, abenduaren 3 eta 4koa

20.      eskola, abenduaren 3 eta 4koa

-     Arratsaldeko taldean: Kerman auto-stopean. Bideoa ikusi ahala erantzun beharrezko ulermen galderak zuzendu ditugu.

-          Honako hau gogorarazi diet:

-          Hotz, beldur, indar, pazientzia, gogo, desio, abiadura, atzerapen, inbidia, eskarmentu, ilusio… handia (asko).

-          Beraz, zenbateko + hotza, indarra, pazientzia, gogoa, desioa, abiadura, ilusioa… (zenbat hotz, indar, gogo, abiadura…)

-          Izan ere, intentsitatea adierazten dute, ez kantitatea.

-          Gai hau sakontze aldera, Gramatika eta ariketak I liburuko 90. orrialdea azaldu diet (29. gaia). Azaldu ahala, arbelean honako eskema hau egin diet :

           

Izenak	Zenbakarriak (zenbatu daitezkeenak) : « zenbat ? » « asko »
	Zenbakaitzak (zenbatu ezin direnak)	Neurgarriak (zenbatu ez arren, neur daitezkeenak) « zenbat ? » « asko »
		Neurgaitzak (ezin direnak, ez zenbatu, ez neurtu) « zenbateko… ? » « handia »

-      Kermanen bideo-pasartearen transkribaketarekin batera zetorren ariketa (Zenbat ? vs. Zenbatekoa ?) zuzendu dugu.

-     Goizeko taldean :  Kerman auto-stopean: etxean joan den eguneko bideo-pasartearen transkribaketako lehenengo agerraldia zehar-estilora pasa behar zuten. Hau zuzendu dugu, eszena bakoitza bi ikaslek antzeztu ahala. Ordena onargarria eta hobestutako ordena aipatu ditugu.

-          Goizeko taldean : AHOZKO JARDUERA I: Kerman auto-stopean. Bigarren eta hirugarren agerraldiak antzeztu ditugu (lehenengoa joan den egunean antzeztu genuen). Bi ikaslek antzeztu ahala, gainerako ikasleei adierazpen, agindu eta galdera horiek zehar-estilora pasarazi dizkiet ahoz, beharrezko aldaketak eginez. Ariketa aberasgarria da.

-          Arratsaldeko taldean : AHOZKO JARDUERA I: Kerman auto-stopean. Ikusi berri dugun bideo-pasartearen transkribaketa eman diet eta bik antzeztu bitartean, gainerako ikasleek belztutako esaldiak zehar-estilora pasa behar izan dituzte, ahoz, beharrezko aldaketak eginez (erakusleak, hirugarren pertsona, -ELA, -TZEKO ala –EN gehitzea…). Lehenengo, bigarren eta hirugarren agerraldiak antzeztu ditugu. Bi ikaslek antzeztu ahala, gainerako ikasleei adierazpen, agindu eta galdera horiek zehar-estilora pasarazi dizkiet ahoz. Ariketa aberasgarria da.

-          AHOZKO ADIERAZPENA II (25´) Autostopa. Hirunaka, mintzagai dituzten puntuak garatu behar izan dituzte ahoz. Saia bitez ikusiak ditugun egiturak (iritzia eman eta eskatzekoak) erabiltzen.

HIZTEGI LAGUNGARRIA:

·         Elkartasun(ik) eza: falta de solidaridad

·         Fidakaitza = mesfidatia naiz: desconfiado

·         Jokaera = jokabidea: comportamiento

·         Aurreztu: ahorrar

·         Kutsadura: contaminación

·         Hedabideak = komunikabideak: medios de comunicación

-          Auto-stopari dagokionez, bidaiatzeko modua izan arren, bere arriskuak ere badituela adierazi diet. Honekin duen loturagatik, Emakume bati sexu erasoa egitea egotzita, hiru gazte atxilotu dituzte”  izeneko ulermen jarduera zuzendu dugu (klasean ere egin liteke). Zuzendu ahala, honako ohar hauek egin dizkiet:

o   Sexu erasoak egin zizkioteLAKOAN (zizkiotelako ustean, zizkiotela pentsatuz). Adib.: Bihar ere hotz egingo duELAKOAN NAGO (duela uste dut). Adiera, bederen, uler dezatela. Iritzia adierazteko erabiltzen dela azpimarratu diet eta datorren urtean sakonduko dugula.

o   Autostop egiten ari zeLA(RIK). Denbora adierazten du, baina puntukaria da; beraz, edo ARIrekin erabiliko dugu, edo aditz trinko batekin: dutxatzen ari nintzela, deitu zenuen; sofan nengoela, txirrina jo zuten; eskolara nentorrela /nindoala istripua izan nuen.

Arratsaldeko taldean honaino iritsi gara.

o   Ostean = ondoren

o   Ustezko hiltzailea, ustezko erasotzailea, ustezko bortxatzailea, ustezko etakidea, ustezko bahitzailea, ustezko iruzurgilea…

o   Jakinarazi = jakitera eman = adierazi  (eskutitz formaletarako egokia, aberatsa baita).

Londresen nagoela jakitera eman nahi dizut = jakinarazi nahi dizut

Gutun honen bidez, jakinarazi nahi nizuke erositako telebista hondatuta dagoela.

o   –TZEKO prest egon:

Ni prest nago zurekin afalTZEKO.

o   NOREN HITZETAN = NOREN ESANETAN = NORK DIOENEZ. Adib: Trafiko zuzendariAREN HITZETAN, abiadura-muga jaitsiko da; Trafiko zuzendariAREN ESANETAN, abiadura-muga jaitsiko da; Trafiko zuzendariAK DIOENEZ, abiadura-muga jaitsiko da

Irungo alkateAREN ESANETAN, zergak jaitsiko dira = Irungo alkateAREN HITZETAN, zergak jaitsiko dira  Irungo alkateAK (nork) DIOENEZ, zergak jaitsiko dira. (* Irungo alkartearen arabera).

o   Abian jarri = martxan jarri

o   EKIN = HASI. Baina ZERI kasua eskatzen du. Adib.: Ekin lanari! (zeri) = Hasi lanean! (zertan). Euskara ikasTEARI (ZERI) EKIN DIOT Irungo HEOean = Euskara ikasTEN (zertan) HASI NAIZ Irungo HEOean.

Goizetan yoga egiTEN HASI NAIZ = goizetan yoga egiTEARI EKIN DIOT.

o   Eginbideak = izapideak =  tramiteak

-          ETXERAKO LANAK:

o   Goizekoek: Kerman auto-stopean. Bigarren eta hirugarren agerraldiak zehar-estilora pasa ditzatela. Arratsaldekoek, hirurak.

o   Gramatika eta ariketak I liburuko 90. orrialdea irakur dezatela eta 91. orrialdeko ariketak egin ditzatela. Gelan zuzentzekotan.

o   Lokailuei buruzko teoria irakur dezatela,  euren testugintzan kohesioa hobetze aldera (ez dago blogean; gelan izango duzu aleren bat soberan).

o   Zaletasunen gaiari heltzera goaz eta ikusiko dugun lehen zaletasuna bidaiatzea izango da. Horren harira, Begoña Lujanbiori egindako elkarrizketa: “Begoña Lujanbio: Oporretako datak jakin bezain pronto komeni da bidaia-agentziara joatea” testua irakurri eta galdera-erantzunak pareka ditzatela.