Tarteko Mailako 33. eskola, otsailaren 12 eta 23koa

33.  eskola, otsailaren 12 eta 23koa

-          Arratsaldeko taldean: Agate Deuna izeneko ulermen jarduera zuzendu dugu, beharrezko azalpenak emanez. Jarduera honetan, hainbat esaldi txertatu behar  izan dituzte ikasleek testuan. Atzealdeko orrialdean, Santa Ageda koplak dituzte.

Arratsaldeko taldean: Bidaien zaletasunari helduta,  “Kamioi zahar batean Hego Afrikan barrena” close-testa zuzendu dugu, beharrezko azalpenak eta oharrak eginez, besteak beste:

         - Hego AfrikaN BARRENA = Hego AfrikaN ZEHAR (Hego Afrikatik). Paseo bat eman dut Hendaiako hondartzaN BARRENA = hondartzaN ZEHAR (hondartzatik). Mozorroak dabiltza Tolosako kaleETAN BARRENA = kaleETAN ZEHAR (kaleetatik).

            - egokitu = suertatu = tokatu + nor-nori:  zitzaidan…

            - alajaina! (“caramba”). Gaur dotore etorri zara, alajaina!

- ibilera: ibiltzeko era edo modua (orrazkera, janzkera, hizkera…) 

            -TZAT ukan / eduki / hartu /jo  (hala dela pentsatu. Adib.: tontotzat hartu dute  = daukate: tontoa dela uste dute). Nik hau garrantzitsuTZAT hartzen dut: uste dut garrantzitsua dela.

            - -ENETAKOA(K)

            - Gure artean ongi konpontzen gara > gure arteKO + izena (harremana, hizkuntza, maitasuna, pasioa, adiskidetasuna…)

Arropa eguraldiaren arabera aukeratu behar da > eguraldiaren araberaKO arropa (izena) sartu behar da maletan.

            - Horrela deitzen ZAIO / DIOTE barbakoa afrikarrARI (“dio”k sujetua eskatuko luke).

- Nik (nork) gaua (zer) eman = igaro = pasa(tu) = egin DUT ///

Ni (nor) gauean (noiz) egon NAIZ

 Adib. Mikelek bere ama gaixorik du ospitalean eta gaua (zer) bertan eman = igaro = pasa(tu) du / … eta gauean (noiz) bertan egon da ama zaintzen.

 Modu berean: Mikelek egun osoa (zer) lantokian igarotzen = pasatzen = egiten = ematen du / Mikel egun osoaN (noiz) lantokian egoten da.

            - INOIZ = NOIZBAIT baiezko esaldietan (ezezkoa izateko EZ partikula behar du). Inoiz (=noizbait) pentsatu dut lanbide hau uztea eta Nafarroan landetxe bat zabaltzea / Inoiz ez dut pentsatu hori egiterik.

            - BAgenuen ERE: genuen ARREN (kontzesiboa).

            - berriketa = hizketaldi = solasaldi

            - ordu txikiak arte. Adib.: Ordu txikitan etxeratu zaigu semea.

            - inguratu. Bi esanahi ditu. Testuinguru honetan “hurbildu, gerturatu” esan nahi du. Adib. Txakur bat inguratu zait usnaka. Beste esanahia: Etsaiek gaztelua inguratu zuten.

            - Ugariak dira “kokerbooms” izenekoak (izeneko zuhaixkak)  = izena dutenak ( izena duten zuhaixkak).

Tin-tinek txakur bat zeukan, Milu izeneko txakurra > Milu izenekoa  = Milu izena zuena.

            - HAIN / BEZAIN. BEZAIN bi terminoren arteko konparazioa egiteko erabiltzen da.

- traidore SAMARRA = NAHIKO traidorea  (pixka bat traidorea) (pixka bat zaila) : NAHIKO zaila = zail SAMARRA.

- ONGARRIA : baratzan botatzen zaie barazkiei (abono).

- ONGILEA : ona egiten duena.

- ONDASUNA = ABERASTASUNA (bien, riqueza).

- harean = hondarretan > hondartza , hareatza

            - behinena = garrantzitsuena

            - sarritan = maiz = askotan

            - zenbait + MUGAGABEA

            - Nondik + gertu = Nondik hurbil

            - adierazgarri = ezaugarri = bereizgarri

            - diraute = irauten dute = jarraitzen dute

            - -TZEKO IRRIKITAN NAGO (ikasle bakoitzak ahoz adibide bat bota du, zertarako irrikitan dagoen adieraziz).

Hamaikak  joTZEKO irrikiTAN NAGO. Oporrak harTZEKO IRRIKITAN NAGO.

- Zimbawe eta Zambia artean daudEN ur-jauziak > Zimbawe eta Zambia artean daudENAK.

-  OSTADARRA edo ORTZADARRA. Ortzea : zerua.

Erromako Zubia

            - ilargi betea = ilbetea / ilberria / ilgora / ilbera (ilargiaren lau faseak)

-       Arratsaldeko taldean: AHOZKO ADIERAZPENA: Inauterietako bidaia antolatzen (25´). Binaka, fitxa bat izan dute esku artean eta bidaia bat antolatu behar izan dute, emandako gidoia jarraituz. Ohartarazi ahalera erabiltzen dela horrelako planak egiten direnean:

Horretarako, orainaldiko ahalerako IZAN eta UKAN adizkien taula banatu diet, erabil dezaten.

-          Goizeko taldean: kontzesiboen berridazketak zuzentzen amaitu dugu: 12.etik 14.era.

-          Goizeko taldean: NOR-NORK iragana: Jonen esaldien erdiak zuzendu ditugu (iraganeko aditzarekin osatu beharrekoak). Zuzendu ahala, ordea, nik NORK edo NOR edo bi kasuak aldatu dizkiet eta esaldi bakoitzaren hainbat aldaera egin ditugu. Luze jo duen arren, merezi izan du.

-       Goizeko taldean: Bidaiei helduta, orain arte, aisialdiarekin zerikusia zuten bidaiak ikusi ditugula (Kuba, Islandia, Hego Afrika …), baina oraingo honetan bidaia solidario bat izango dugula aztergai azaldu diet. Bidaia solidarioak: Tanger ez turistikoa, Ana Romeroren eskutik izeneko ulermen-jarduera zuzendu dugu, beharrezko azalpenak emanez.

-    Goizeko taldean: ENTZUNAREN ULERMENA: “Bestelako inauteriak”: igaro berri ditugun inauterien aitzakian, bitan entzun dugu entzungaia eta ikasleek herri bakoitzeko inauteriak inauteri horietako pertsonaia nagusi, ohitura, etab.ekin lotu behar izan dituzte. Ondoren,  zuzendu egin dugu eta interneten ikusi ditugu pertsonaia berezi horiek.

-          Goizeko taldean: azterketa zuriko idazlan luzeak banatu ditut, etxera eraman ditzaten.

-          ETXERAKO LANAK:

o   Goizekoei: NOR-NORK iraganean. Itzulpenen erdiak.

o   Arratsaldekoei: Bidaia gazteak izeneko cloze-testa (Inauterietarako)

o   Arratsaldekoei: Bueltarik gabeko bidaia deritzon ulermen-jarduera (Inauterietarako.

o  Arratsaldekoei: Guretzat zerua infernua da.  Esaldiak osa ditzatela, kontzesiboak eginez. Berez, sei dira. Zenbat eta modu gehiagotan egin, hobeto.

o   Arratsaldekoei: NOR-NORK iragana.  Orriko bigarrena – hutsuneak bete – egin ditzatela. Nahi duenak itzulpenak egin ditzake, Inaute astea probextuz.

o   Arratsaldekoei: Euskal Herriko inauteriei buruzko  testua – Euskal Inauteria –  osorik irakurri eta taldeka hala adostuta, bakoitzak presta dezala zati bat itzultzen garenean besteei azaltzeko. (Inauterietarako).