Tarteko Mailako 34. eskola, otsailaren 24 eta 25ekoa

34.  eskola, otsailaren 24 eta 25ekoa

-       Arratsaldeko taldean: Bidaiatzeko zaletasunari jarraiki, “Bidaia gazteak” izeneko cloze-testa zuzendu dugu, beharrezko azalpenak emanez.

-    Goizeko taldean: Bidaien zaletasunari helduta,  “Kamioi zahar batean Hego Afrikan barrena” close-testa zuzendu dugu, beharrezko azalpenak eta oharrak eginez, besteak beste:

         - Hego AfrikaN BARRENA = Hego AfrikaN ZEHAR (Hego Afrikatik). Paseo bat eman dut Hendaiako hondartzaN BARRENA = hondartzaN ZEHAR (hondartzatik). Mozorroak dabiltza Tolosako kaleETAN BARRENA = kaleETAN ZEHAR (kaleetatik).

            - egokitu = suertatu = tokatu + nor-nori:  zitzaidan…

            - alajaina! (“caramba”). Gaur dotore etorri zara, alajaina!

- ibilera: ibiltzeko era edo modua (orrazkera, janzkera, hizkera, izaera…)  

            -TZAT ukan / eduki / hartu /jo  (hala dela pentsatu. Adib.: tontotzat hartu dute  = daukate: tontoa dela uste dute). Nik hau garrantzitsuTZAT hartzen dut: uste dut garrantzitsua dela.

            - -ENETAKOA(K)

- Donostia hiri paregabea da, ikusgarria da.

- Aktore hori miresgarria da.

            - Gure artean ongi konpontzen gara > gure arteKO + izena (harremana, hizkuntza, maitasuna, pasioa, adiskidetasuna…)

Arropa eguraldiaren arabera aukeratu behar da > eguraldiaren araberaKO arropa (izena) sartu behar da maletan.

Gaur ekonomiari buruz hitz egingo dugu > Ekonomiari buruzKO + izena (artikulua, erreportaia, dokumentala…)

            - Horrela deitzen ZAIO / DIOTE barbakoa afrikarrARI (“dio”k sujetua eskatuko luke).

Ospitalera iristen zarenean, zure datu pertsonalak eskatuko DIZKIZUTE (eskatuko dizkizu medikuak, erizainak…)

Aireportuan maletak ireki DIZKIGUTE (ireki dizkigu poliziak)

- Klase honek 125 minutu irauten du (sing.)

- Nik (nork) gaua (zer) eman = igaro = pasa(tu) = egin DUT ///

Ni (nor) gauean (noiz) egon NAIZ

 Adib. Mikelek bere ama gaixorik du ospitalean eta gaua (zer) bertan eman = igaro = pasa(tu) du / … eta gauean (noiz) bertan egon da ama zaintzen.

 Modu berean: Mikelek egun osoa (zer) lantokian igarotzen = pasatzen = egiten = ematen du / Mikel egun osoaN (noiz) lantokian egoten da.

            - INOIZ = NOIZBAIT baiezko esaldietan (ezezkoa izateko EZ partikula behar du). Inoiz (=noizbait) pentsatu dut lanbide hau uztea eta Nafarroan landetxe bat zabaltzea / Inoiz ez dut pentsatu hori egiterik.

            - BAgenuen ERE: genuen ARREN (kontzesiboa).

            - berriketa = hizketaldi = solasaldi

            - ordu txikiak arte. Adib.: Ordu txikitan etxeratu zaigu semea.

            - inguratu. Bi esanahi ditu. Testuinguru honetan “hurbildu, gerturatu” esan nahi du. Adib. Txakur bat inguratu zait usnaka. Beste esanahia: Etsaiek gaztelua inguratu zuten.

            - Ugariak dira “kokerbooms” izenekoak (izeneko zuhaixkak)  = izena dutenak ( izena duten zuhaixkak).

Tin-tinek txakur bat zeukan, Milu izeneko txakurra > Milu izenekoa  = Milu izena zuena.

            - HAIN / BEZAIN. BEZAIN bi terminoren arteko konparazioa egiteko erabiltzen da.

- traidore SAMARRA = NAHIKO traidorea  (pixka bat traidorea) (pixka bat zaila) : NAHIKO zaila = zail SAMARRA.

- hondoratu = urperatu

- ONGARRIA : baratzan botatzen zaie barazkiei (abono).

- ONGILEA : ona egiten duena.

- ONDASUNA = ABERASTASUNA (bien, riqueza).

- harean = hondarretan > hondartza , hareatza

            - behinena = garrantzitsuena

            - sarritan = maiz = askotan

            - zenbait + MUGAGABEA

            - Nondik + gertu = Nondik hurbil

            - adierazgarri = ezaugarri = bereizgarri

            - diraute = irauten dute = jarraitzen dute

            - -TZEKO IRRIKITAN NAGO (ikasle bakoitzak ahoz adibide bat bota du, zertarako irrikitan dagoen adieraziz).

Hamaikak  joTZEKO irrikiTAN NAGO. Oporrak harTZEKO IRRIKITAN NAGO.

Zu ikusteko eta besarkatzeko irrikitan nago (= zu ikusteko eta besarkatzeko gogo handia daukat) (gogo asko)

- Zimbawe eta Zambia artean daudEN ur-jauziak > Zimbawe eta Zambia artean daudENAK.

-  OSTADARRA edo ORTZADARRA edo ERROMAKO ZUBIA. --- - Ortzea : zerua.

- Eragin = sorrarazi

Gaur euriak (nork) istripu asko eragin ditu = istripu asko sorrarazi ditu.

            - ilargi betea = ilbetea / ilberria / ilgora / ilbera (ilargiaren lau faseak)

-          Arratsaldeko taldean: ENTZUNAREN ULERMENA: “Bestelako inauteriak”: igaro berri ditugun inauterien aitzakian, bitan entzun dugu entzungaia eta ikasleek herri bakoitzeko inauteriak inauteri horietako pertsonaia nagusi, ohitura, etab.ekin lotu behar izan dituzte. Ondoren,  zuzendu egin dugu eta interneten ikusi ditugu pertsonaia berezi horiek.

-          AHOZKO ADIERAZPENA: Euskal Herriko Inauteriak (25-30´) Inauteriez aritu gara solasean. Aurrez esan bezala, ikasleak taldeka bildu dira eta Euskal Inauteria  izeneko testua oinarritzat harturik, ikasle bakoitzak prestatu duen zatia azaldu die taldekideei. Adibidez, ikasle batek Gipuzkoan inauteriak nola ospatzen diren azaldu die taldekideei; beste taldekide batek, berriz, Nafarroako hainbat herritako ohituren berri eman die; hirugarren batek Markitos izan du mintzagai…Honela, herri desberdinetako inaute-ohituren berri izan dute denek, elkarri emandako informazioari esker.

-     Goizeko taldean: Azterketa zuriko idazlan laburrak banatu dizkiet. Lehenik, idazlanok zuzentzeko aintzat hartutako irizpideen berri eman diet: egokitasuna, koherentzia eta kohesioa, aberastasuna eta zuzentasuna, eta horietako bakoitzean zer neurtzen dugun azaldu diet; ondoren, denbora utzi diet idazlan laburra koadernoan berridatz dezaten, nire zuzenketak eta oharrak kontuan izanik. Bitartean, mahaiz mahai ibili naiz ikasleen zalantzak argitzen eta galderei erantzuten. Luzea etxerako eman nien, baina niri itzultzekotan.

-   Arratsaldeko taldean: NOR-NORK iragana: Jonen esaldien erdiak zuzendu ditugu (iraganeko aditzarekin osatu beharrekoak). Zuzendu ahala, ordea, nik NORK edo NOR edo bi kasuak aldatu dizkiet eta esaldi bakoitzaren hainbat aldaera egin ditugu. Luze jo duen arren, merezi izan du.

-          ETXERAKO LANAK:

o  NOR-NORK iraganean. Itzulpenen erdiak (arratsaldekoei), itzupenen beste erdiak (goizekoei). Bi taldeetan, itzulpenen erantzunak banatu dizkiet.

o   Kontzesiboak: 203 eta 205. orrialde osagarriak (E), kontzesiboak lantzekoak.

o   Goizekoei: emaila. Inaute-aste horretan gune horietako batera joateko landetxea erreserbatu behar dute internet bidez. Horretarako, 80 hitzeko emaila eskatu diet. Neuk jasotzeko izanen da.

o   Hurrengo egunean Bueltarik gabeko bidaia ekar dezatela

o   Arratsaldekoei: azterketako idazlan luzeak banatu dizkiet.