Maila Aurreratuko 44. eskola, apirilaren 1 eta 2koa

44. eskola, apirilaren 1 eta 2koa

Arratsaldeko taldean:

-                AHALERA HIPOTETIKOA edo ALEGIAZKOA. Gramatika eta ariketak II liburuko 19. orrialdea zuzendu dugu. Aldez aurretik, ikasleak ahalera hipotetikoaren zantzu nagusiez ohartarazi ditut.

-          Nor-nori: orainaldian DAKI-nori-KE > hipotetikoa: LEKI-nori-KE

-          Nor-nork: indikatibo lehenalditik, U > ZAKE eta orainaldiko A-ren ordez, -IN. Hirugarren pertsonek, L-

-          Nor-nori-nork: orainaldian: DIEZA+ NORI + KE + NORK. Hipotetikoan, NORK aurrera: N + IEZA + NORI  + KE + (TE). Beraz, orainaldian ez bezala, hipotetikoan desberdin hasiko zaizkigu adizkiak, subjektuaren arabera

-            Desberdintasunezko konparazioa. Gramatika eta ariketak II  liburuko 186-187. orr. zuzendu ditugu. Lehenengoa eta hirugarrena eurek zuzen ditzatela. Bigarrena gelan zuzendu dugu, astiro, beharrezko azalpenak emanez. Laugarrena ere gelan zuzendu dugu. Hurrengo urterako, bigarren aukera hau hobe; lehenik, berdintasunezko BEZAIN azaldu eta, ondoren, 187. orrialdeko 4. ariketa egin, egin beharreko aldaketekin.

-            Ondoren, konparazioekin jarraituz, berdintasunezko konparazioak azaldu dizkiet. Horretarako, Gramatika eta ariketak II  liburua 49. gaian (180-181. orrialdeak) irekiarazi diet, baina azalpena arbel digitalean eman diet eta kopia bana eman diet, liburuan baino ordenatuago dagoelakoan. Gaurkoan BEZAIN eta ADINA = BESTE = BEZAINBAT azaldu dizkiet. ADINAKO eta kidekoak hurrengorako utzi ditugu.

-           ENTZUNAREN ULERMENA: Perfumea.      Merkataritza eta erosketen gaiarekin jarraituz, arropak alde batera utzi eta lurrinen gaineko entzungaia entzun dugu. Bitan entzun eta hirugarren entzunaldia eten ahala, zuzendu egin dugu,  beharrezko azalpenak emanez. Entzungai honetan agertu zaizkigu honako esapideok:

                             - Batzuek lanak izaten dituzte gustuko perfumea topatzeko /-tzen; lanak izaten ditut eskolara garaiz iristeko /-ten; lanak izaten ditut goiz jaikitzeko /    -tzen; Donostiara autoz joaten naizenean, lanak izaten ditut aparkatzeko / -tzen. (=asko kostatzen zait…-tzea)

                       - Perfume hori ez da beste mundukoa = perfume hori ez da hainbestera(ino)koa.

- AHOZKO ADIERAZPENA: Janzkera besterik ez dugu buruan!  Mintza-fitxa honetan ipini dizkiedan puntuak irakurri ostean, hirunaka bildu eta horietaz jardun dute solasean. Gaurkoan hurrengo hiru puntuak izan ditugu mintzagai.

- ETXERAKO LANAK:

o    Indartze ariketak (klaserako berariaz prestatutako orria) ahalera hipotetikoa lantzeko. Etxean egin dezatela.

o   Berdintasunezko konparazioa: 182-3. orrialdeetako ariketak egin ditzatela (eta nahi badute irakur ditzatela 180-181. orrialdeak). Lehenengoa salbu – hau eurek zuzentzekoa da – gainerakoak gelan zuzenduko ditugu, zailtasun maila handikoak izan daitezkeelakoan.

o   Musika airean gogorarazi irakurria behar dutela datorren asteazken eta ostegunerako, apirilaren 9 eta 10erako.

o   Goizekoei, idazlana: Merkataritza / Energia, ingurumena eta osasuna.

Goizeko taldean:

            Arratsaldeko taldekoen 43. eskola, honako aldaketa hauekin:

-          Ez dugu euskal egitura jatorrak zuzentzen jarraitu

+   AHOZKO ADIERAZPENA. Fukushima. Zentral nuklearren eta, zehazki, Fukushimako zentralaren gainean jarduteko,  oraindik zeresana ematen ari den gaia dela eta, egungo hiru artikulu banatu nizkien aurreko klasean, etxean irakurri eta mintzarako presta zitzaten (bakoitzari bana; besteak lortu nahi izanez gero, blogetik jaitsi ditzakete). Gaurkoan, hirunaka bildu eta nork bere testua laburbildu die bere kideei.