Tarteko Mailako 47. eskola, apirilaren 10 eta 28koa

47.  eskola, apirilaren 10eta 28koa

-          Erlatibozkoa: 145. orrialde osagarria zuzendu dugu (< etxerako 146. orrialdea), beharrezko azalpenak emanez. Erlatibozko deklinatuak dira eta, batzuetan, bi aukera desberdin ikusi ditugu. Adib: Berri txarrak entzun zituENA (nor) zerraldo erori ZEN = Zerraldo erori zeNAK (nork) berri txarrak entzun ZITUEN; ikasgelan ez daudeNEK (nork) piper egin DUTE = Piper egin duteNAK (nor) ez DAUDE ikasgelan. Ongi etorri zaie ondokoaren edo erreferentearen kasua erabakitzeko aditz nagusiari erreparatu behar zaiola gogorarazteko.

-          Goizeko taldean, Futbolak pasioa ala erokeria eragiten du? izeneko ulermen jarduera zuzendu dugu (ulermen galderak eta sinonimoak dituena), astiro, beharrezko azalpenak emanez. Honela, beste zaletasun bati heldu diogu: futbolzaletasuna. Ikasleei gogorarazi behar izan diet:

o   Eragin aditza denean, “provocar”, “afectar”, “influenciar” esan nahi duela eta izena denean, berriz, “influencia”.

o   Usteaz galdetzeko ikusia dugula honako hau. Zer DERITZOZU… NORI? = Zer IRUDITZEN ZAIZU… HAU?

o   Ohia: ex. Senar-ohia, lagun-ohia, lankide-ohia…

o   Biribilena > biribilenETAKOA

o   NOREN esanetan edo NOREN hitzetan (baina ez NOREN arabera)

o   Ordezkatu > ordezkoa / ordezkaria

o   Areagotu = handitu

o   Eremu = arlo = alor = esparru

o   Argudioa = arrazoia = argumentua > argudio-testuak. Argudiatu edo arrazoitu.

-          Goizeko taldean, AHOZKO ADIERAZPENA: Futbolak pasioa ala erokeria eragiten du?  Eztabaida denon artean hasi baino ez dugu egin, baina zeresana badutelakona, hurrengoan mintza-fitxa banatu eta honetaz jardungo dugula hitzeman diet.

-          Goizeko nahiz arratsaldeko taldean: ENTZUNAREN ULERMENA: Beckham fenomenoa. Futbol zaletasunarekin jarraituz, Beckami buruzko entzungaia landu dugu. Ikasleek, entzungaia entzun ahala, hutsuneak bete behar izan dituzte falta den informazioarekin. Hirutan entzun dute eta, zuzendu ostean, laugarren aldiz entzun daiteke, nahi izanez gero, egiaztatzeko.

-          Arratsaldeko taldean: Futbol zaletasunekin jarraituz, “Futbolaren jatorriaren bidetik”  izeneko ulermen-jarduera zuzendu dugu. Testua irakurri, irakurri ahala beharrezko azalpenak eman eta atzeko ulermen galderak zuzendu ditugu. Gogorarazi:

o   Berreskuratu NAHIAN (partizipioa + NAHIAN) = berreskuraTZEKO ASMOZ = berreskuraTZEKO ASMOTAN = berreskuraTZEKOTAN.

-          Arratsaldeko taldean: ENTZUNAREN ULERMENA: Gontzal Mendibilen “Gauak zaindutako arrosak”  abestia birritan entzun dute eta erlatibozkoekin hutsuneak bete dituzte (ohartarazi lehenaldian dauden adizkietan –N hori baliatzen dela erlatibozkoa egiteko). Ondoren, arbelean zuzendu dugu, erlatibozkoak azpimarratuz.

-          Arratsaldeko taldean, AHOZKO ADIERAZPENA I: Txangoa Euskal Herrian barrena izeneko ahozko jarduera, elkarrekintza lantzekoa. Ia ordu erdiz jardun dugun arren, hurrengoan jarraitzekotan geratu gara, oso jarduera aberasgarria baita. Jarduera hau gauzatzeko, ikasleak hirunaka jarri ditut eta asteburu baterako txangoa antolatzen aritu dira, udaberriko giro ederra aprobetxatuz.

-          Arratsaldeko taldean, Ostegunak liburuaren mintza-saiorako taldeak osatu ditugu. Ikasle bakoitzari esan diot zein istorio prestatu behar duen oporretatik itzultzen garenean horrezaz hitz egiteko.

-          ETXERAKO LANAK:       

o   Erlatibozko perpausak. 146. orrialde osagarria, gaur zuzendutako 145.aren antzekoa dena. Erlatibozko deklinatuak: azaldu diet ariketa zaila denez, lehenik aditza identifikatzeko eta astiro egiteko.

o   Arratsaldeko taldean, Aste Santurako Etxerako lanak  izeneko txostena, berariaz Aste Santuko oporraldian egiteko prestatua. Txosten honetan, ezezko erlatibozkoak lantzeko ariketak; kontzesiboak, kausazkoak, hainbat lokailu…errepasatzeko berridazketak; deklinabidea lantzeko  ariketak, eta lexikoa lantzekoak dituzte. Ariketa hauek erantzunekin datoz, eurek zuzen ditzaten.

o   Arratsaldeko taldean, Ostegunak liburua irakurtzen amai dezatela.

o   Arratsaldeko taldean, GPSari buruzko ulermen jarduera: GPSa alboan, ibili munduan deritzona.

o   Bi idazlan: bata, Aste Santuan hotel bat erreserbatzeko emaila eta, bestea, bidaian izandako arazoengatik idatzitako erreklamazio gutuna. Lehenengoa, aukerakoa da, Inauterietan landetxearen erreserba egiteko idatzi zuten emailaren berreskurapen modukoa (horretarako, idazlan hartan egindako akatsak berrikus ditzatela honi ekin baino lehen); bigarrena, derrigorrezkoa.