Tarteko Mailako 53. eskola, maiatzaren 19 eta 20koa

53.  eskola, maiatzaren 19 eta 20koa

Goizeko taldea

- BALDINTZA HIPOTETIKOA. Etxerako zituzten lehenengo itzulpenak eta hutsuneak zuzendu ditugu, astiro, arbel digitalean, baldintza nahiz ondorioko adizki horiek iraganetik nola sortu diren azalduz. Luze jo duen arren, lehen ariketak izaki, merezi izan du denbora honetan pasatzea.

- Maite Zabalari egindako elkarrizketa osatzeko ariketa banatu ostean, ikasleei denbora utzi diet, banaka nahiz binaka, hutsune horiek osa ditzaten – bertan, adizki hipotetikoak eta zenbait nominalizazio txertatu behar zituzten – eta amaitu ostean, antzeztu egin dugu. Baliagarria gertatu zaie, adizki hipotetiko ezagunenak (nintzateke, nuke...) ezagutzeko eta eurenganatzeko.

- Nominalizazioak: banatu nien azken txostenean zalantzarik baduten galdetu ostean, azkeneko ariketa, 18.a, gelan zuzendu dugu. Bertan, hamar esaldi berridatzi behar zituzten ikasleek, hainbat nominalizazio desberdin erabiliz. Oso ariketa aproposa da, ikusitako hainbat eduki (-tzea /-tzen ahaztu, -tzen / -tzeari utzi, -tzen saiatu…) errepasatzeko eta, oraindik menperatu gabe baldin badituzte, sakontzeko. Oraindik menperatzen ez zituztela ikusirik, luze jo digu errepasatzeak.

- Gramatika Osoa-ko taula banatu diet –TZEAZ nominalizazioa zein aditzekin erabiltzen den ikus dezaten. Adibideak ere irakurri ditugu.

- Mendizaletasunari amaiera emateko, “Mendian gora” izeneko ulermen jarduera zuzendu dugu, astiro, beharrezko azalpenak emanez.

-          Udatik negura igaro (= pasa(tu)) AHALA = Udatik negura igarotzen (= pasatzen) garEN NEURRIAN = HEINEAN,…

Ikasturtea aurrera joan AHALA, gero eta kopia gehiago dauzkagu = Ikasturtea aurrera doaN NEURRIAN = doaN HEINEAN, gero eta kopia gehiago dauzkagu.

-          Mugikorra ALDEAN (gainean) DARAMAT; giltzak ALDEAN (gainean) dauzkazu = daramatzazu?

-          Lau urtaroetan mendira ur kantinplora aldean dugula(rik) joango gara. Moduzko –LA(RIK), “nola?” galderari erantzuten diona eta gaztelaniazko “con…en…” itzultzeko balio diguna: zigarroarekin ahoan sartu da > ahoan zigarroa duELA(RIK) sartu da; gure aitona txapelarekin buruan ibiltzen da beti > gure aitona txapela buruan duELA(RIK) ibiltzen da beti; poltsarekin eskuan  etorri naiz eskolara > poltsa eskuan dudaLA(RIK) etorri naiz eskolara

- ENTZUNAREN ULERMENA: Txernobileko ezbeharra. Behin entzun dugu entzungaia (joan den egunean hirutan entzun genuen) eta zuzendu egin dugu, beharrezko azalpenak emanez. Zuzenketaren ostean, berriz entzun dugu, neuk arbeleko erantzunak azpimarratzen nizkien bitartean, erantzunak egiaztatzeko.

-AHOZKO ADIERAZPENA: Energia nuklearra. Binaka bilduta, gai honetaz jardun dute solasean, entzungaiaren atzeko fitxa baliatuz. Energia nuklearraren onurak eta kalteak izan dituzte mintzagai. Hamar minutu baino izan ez ditugunez, hurrengoan jarraitzekotan geratu gara.

- ETXERAKO LANAK:

o   Gramatika eta ariketak I liburuko 71. orrialdeko 2. ariketa eta 73. orrialdeko 4. eta 5. ariketak (gelan zuzentzeko), baldintza hipotetikoa lantzekoak.

o   Beste zaletasun bat erosketak egitea dela-eta,  Dendarik denda merkeenen bila  izeneko testua: close-testa egin , beltxez dauden hitz eta egituren sinonimoak bilatu eta taulatxoan bildutako erlatibozkoei erreparatu.

Arratsaldeko taldea:

- BALDINTZA HIPOTETIKOA. Etxerako zituzten lehenengo itzulpenak eta hutsuneak zuzendu ditugu, astiro, arbel digitalean, baldintza nahiz ondorioko adizki horiek iraganetik nola sortu diren azalduz. Luze jo duen arren, lehen ariketak izaki, merezi izan du denbora honetan pasatzea.

- Maite Zabalari egindako elkarrizketa osatzeko ariketa banatu ostean, ikasleei denbora utzi diet, banaka nahiz binaka, hutsune horiek osa ditzaten – bertan, adizki hipotetikoak eta zenbait nominalizazio txertatu behar zituzten – eta amaitu ostean, antzeztu egin dugu. Baliagarria gertatu zaie, adizki hipotetiko ezagunenak (nintzateke, nuke...) ezagutzeko eta eurenganatzeko.

- Gogorarazi diet –(e)Z gero baldintzazkoa – ikasturte hasieratik makina bat aldiz agertu zaiguna – komodin baten modukoa dela eta hiru baldintzak egiteko erabil daitekeela.

- Nominalizazioak: banatu nien azken txostenean zalantzarik baduten galdetu ostean, azkeneko ariketa, 18.a, gelan zuzendu dugu. Bertan, hamar esaldi berridatzi behar zituzten ikasleek, hainbat nominalizazio desberdin erabiliz. Oso ariketa aproposa da, ikusitako hainbat eduki (-tzea /-tzen ahaztu, -tzen / -tzeari utzi, -tzen saiatu…) errepasatzeko eta, oraindik menperatu gabe baldin badituzte, sakontzeko. Oraindik menperatzen ez zituztela ikusirik, luze jo digu errepasatzeak.

- Gramatika Osoa-ko taula banatu diet –TZEAZ nominalizazioa zein aditzekin erabiltzen den ikus dezaten. Adibideak ere irakurri ditugu.

- ENTZUNAREN ULERMENA: Anisakis alergia. Azkenaldian, hedabideetan entzuten ari gara Euskal Herrian anisakis kasuak zabaltzen ari direla. Horren harira, anisakis xomorroak eragiten duten alergia izan dugu entzungai. Birritan entzun eta zuzendu egin dugu.

- AHOZKO ADIERAZPENA. Elkarrizketa (25´) . Uda honetan euskara non hobetu? Euskaltegian ala barnetegian? Ikasleak binaka jarri eta elkarrizketarako fitxa bana esku artean dutelarik, honetaz jardun dute hizketan, adostasun batera heldu nahian. Ikasle batek euskaltegira joatearen aldeko argudioak eman dizkio bere ikaskideari eta, honek, berriz, barnetegi batera jotzearen abantailak azaldu dizkio.

- ETXERAKO LANAK:

o    Gramatika eta ariketak I liburuko 71. orrialdeko 2. ariketa eta 73. orrialdeko 4. eta 5. ariketak (gelan zuzentzeko), baldintza hipotetikoa lantzekoak.

o   Beste zaletasun bat erosketak egitea dela-eta,  Dendarik denda merkeenen bila  izeneko testua: close-testa egin , beltxez dauden hitz eta egituren sinonimoak bilatu eta taulatxoan bildutako erlatibozkoei erreparatu.

o   Bi testu labur irakur ditzaten eta bietako bat ahoz kontatzeko presta dezaten, hurrengo klasean binaka jarrita: “Azalean piercinak eta tatuajeak”  eta “Afari nudistak New Yorken”.