Tarteko Mailako 55. eskola, maiatzaren 25 eta 26koa

55.  eskola, maiatzaren 25 eta 26koa

-     Aditz trinkoak: bigarren orrialde osagarria zuzendu dugu, “ez zekien josten” izenekoa, astiro, beharrezko azalpenak emanez.

-          Aditz trinkoei buruzko ohar nagusiak biltzen dituen orria banatu diet (joan den egunean nik egindako azalpena datorkie bertan idatziz jasoa).

-    Joan den egunean ikusi genuen mendian ez galtzeko oinarrizkoa dela prestakuntza eta oso garrantzitsua dela iparrorratza eta mapa edota GPSa eramatea. Horrekin duen loturagatik, GPSa alboan, ibili munduan izeneko ulermen jarduera zuzendu dugu: testua irakurri eta sinonimoak nahiz ulermen itemak zuzendu ditugu. Oharrak:

-          GPSa alboan = ondoan. Adib: Ester Israelen alboan dago. Noren + ALBOAN

-          Zeren berri eman: informatzea. Arazo baten berri eman nahi dizut = arazo bat jakinarazi nahi dizut.

-          Aurrera egin duEN NEURRIAN = aurrera egin duEN HEINEAN = aurrera egin (part.) AHALA

-          Eman hutsarekin: con sólo dar.

-          Radar finkoen kokapena JAKINARAZTEN DU =  radar finkoen kokapenAREN BERRI EMATEN DU.

-          Radar finkoen kokapena (a) EZ EZIK, radar mugikorrena (b) ERE…

-          Denok joango gara biharko txangora, Mikel IZAN EZIK (=Mikel salbu).

-          Indarrean jarri: entrar en vigor. Indarrean egon: estar en vigor. Arauak, legeak…

Abortoaren aurkako legea indarrean jarri du Gobernuak.

-          Igarri = nabaritu = sumatu = antzeman

-          Noizean behin = noizbehinka

-          JarriTAKOAN = jarri ONDOREN = jarri ETA GERO

-          JarTZERAKOAN = jarri AURRETIK = jarri BAINO LEHEN.

-          BAINO ez dute ematen = besterik ez dute ematen = bakarrik ematen dute.

-          Datu basea eguneratu = gaurkotu.

-       Ulermen item horietan hainbat denborazko egitura agertu zaizkigunez (-tzerakoan / -takoan arteko aldea, esaterako), aitzakia ezinhobea eskaini didate denborazko perpausak azaltzeko. Azalpenerako, taula bat banatu diet, denborazko perpausak laburbiltzen dituena. Oharrak:

-TZERAKOAN. Gidatzerakoan, segurtasun-uhala lotu ezazu.	= gidatu AURRETIK, gidatu BAINO LEHEN
-TZEAN. Gidatzean, arretaz erreparatu trafiko seinaleei.	= gidatzen duzuN BITARTEAN, duzuNEAN
-TAKOAN. Gidatutakoan, autoa giltzatu eta giltzak poltsikoan gorde itzazu.	= gidatu ONDOREN, gidatu OSTEAN, gidatu ETA GERO

-          Etxera irisTERAKOAN, sofan eseri eta telebista ikusten dut.  > Etxera iritsiTAKOAN, sofan eseri eta telebista ikusten dut.

Bihar euria egiTEN BADU (egingo badu)…

Irunera itzulTZEN NAIZENEAN (itzuliko naizenean), elkarrekin afalduko dugu.

Gloria etorTZEN denEAN, Martaren ondoan  eseriko da (geroaldia).

Gloria etorTZEN denEAN, Martaren ondoan esertzen da (ohiturazkoa).

Klasea bukatu ORDUKO etxera joango naiz = klasea bukatu BEZAIN LASTER, etxera joango naiz.

-        Gogorarazi diet menpeko perpausetan ohikoa izaten dela baiezkoek eta ezezkoek ordena bera izatea:

-          Idazlana egin EZ dudaLAKO, zigortu egin nau irakasleak.

-          Idazlana egin EZ dudaNEZ (GERO), zigortu egin nau irakasleak

-          Idazlana egin EZ dudaN ARREN, irakaslea ez da haserretu.

-          NAHIZ ETA idazlana egin ez dudaN, irakaslea ez da haserretu.

-          Idazlana egin EZ BAdut ERE, irakaslea ez da haserretu.

-          Idazlana egin EZ duEN ikaslea zigortu egin du irakasleak.

-          Idazlana egiTEN EZ BAdut, ez dut ikasiko ongi idazten.

-          Idazlana egiTEN EZ dudaNEAN, irakaslea haserretu egiten da.

Baina ez beti:

-          Irakaslea haserretu egin da, ez BAITUT idazlana egin (ez dut egin)

-          Irakaslea haserretu egin da, ez dut idazlana egin ETA.

-          Hala ere, GPSa aldean eraman arren, gerta liteke mendizaleren bat galtzea. Horrelakoetan, ohikoa izaten da erreskate taldeak galdutako mendizalearen bila joatea euren zakurrekin. Zakur horiei buruzko ulermen-jarduera zuzendu dugu, Lagunik onenaren zaunka salbatzaileak izenekoa.

-          Baldintza hipotetikoa. Gramatika eta ariketak I liburuko 73. orrialdeko  5. ariketa zuzendu dugu, astiro, beharrezko azalpenak emanez.

-          AHOZKO ADIERAZPENA: Realityak.  Telebista aldatzen ari da.  Binaka egin dute, elkarrizketa moduan. Egoera hipotetikoak lantzeko mintzagai aproposa da, ea reality horietakoren batean parte hartuko luketen, zergatik...Ikasle gutxi izanez gero, denon artean mintza gintezke gaiaz.

-          ETXERAKO LANAK:

-          Denborazko perpausak lantzeko berridazketak

-          Euskal esamoldeen erantzun orria (164-5.orr.)

-          Baldintza  hipotetikoa: Gramatika eta ariketak I liburuko 74 eta 76. orrialdeei erreparatu (taulak dituzte orrialde horietan) eta 75 nahiz 77. orrialdeetako ariketak egin ditzatela (norberak zuzentzekoak).