B2.2 mailako 13. eskola (ARRATSALDEKO TALDEA) eta 12. eskola (GOIZEKO TALDEA). Azaroak 9 eta 10.

 Arratsaldeko taldearen  13. eskola eta goizekoaren 12.a: azaroaren 9 eta 10ekoa

-         Erlatibozkoak 3. Arratsaldeko taldean joan den egunean zuzendu genuen; gaur, erauntzun-orria banatu diet. Goizeko taldean, berriz, gaur ekin diogu zuzenketari eta lehenengo lauak zuzendu ditugu, astiro, beharrezko azalpenak emanez.

-     Bi taldeetan: Ariketa horretan agertu zaigun 1. esaldia  aitzakiatzat harturik, iraganeko NOR-NORI-NORK adizkiak errepasatzeari ekin diogu. Horretarako, adizki horien eskema eta taulak (horizontala zein bertikala) banatu eta beharrezko azalpenak eman dizkiet: eskema nola dagoen egituratua, pertsona markak edo morfemak aurrean ala atzean doazen,…

“Hona noizean behin diru eske(an) etortzen zitzaidanari sos batzuk eskaintzen NIzkiON“ (nik hari).

-          Bi taldeetan: AHOZKO JARDUERA: Adizkien katea. Honako esaldi hau ipini diet arbelean:

Dabidek (nork) guri (nori) aurreneko (=lehenengo) eskola-egunean, ikasleek bete beharreko araudia (zer) azaldu ZIGUN.

Ikasleek ondoko ikaskideari konbinazio bat eskatuz eta esaldi bera probestuz, iraganeko NOR-NORI-NORK adizkiak landu ditugu ahoz gurpilean. Bigarren itzulian, neuk eskatu diot bakoitzari konbinazio bat. Ariketa egokia da adizkien erabileran trebatzeko.

-   Bi taldeetan: Bidaiatzeko modu berrien bila. Idatziaren ulermena lantzeko jarduera honen  zuzenketa egin dugu, erantzun orria arbelean ipinita. Testua irakurri ahala, ikasleek hutsune bakoitzean zein esaldi txertatu duten jakin ahal izan dugu. Hurrengo egunean egingo dugun mintzaldirako ongi etorri zaie.

-       Bi taldeetan: Etxerako lehenengo iritzi artikulua bidali diet. Horretarako, ordea, egokitzat jo dut iritzi artikulua edo argudiozko testuak idazteko ataza bat klasean lantzea.

o   Iritzi artikulua edo argudio testua  idazteko azalpenak. Horretarako:

o Lehenik, argudio testuen edo iritzi artikuluen eskema azaldu diet arbel digitalean (eurek kopia bana zuten, noski).

o   Gero, sarrera edo gairako hurbilketa nola egiten den irakurri eta azaldu diet (tesia eta lau sarrera-teknika mota desberdinak).

o   “Zinema gaur” gaia hartuta, eurei eskema betearazi diet, esaldi bakoitza eskema horretako toki egokian kokaraziz. Hasieran kosta egin zaienez, tesia zein den nik esan diet. Hortik aurrera, nahiko ongi egin dute.

o   Mahaiz mahai ibili naiz zuzentzen. Amaitutakoan, zuzenketa orriarekin zuzendu ahal izan dute. Nik arbel digitalean jarri dut zuzenketa orria edo ariketaren ebazpena.

o   Azkenik, eskema horren arabera idatzitako iritzi artikulua irakurri dugu eta testuan eskemako zatiak identifikatu ditugu – zuzenean egin dugu – eskema eta testua alboan dituztela. Egokiena, arbel digitalean testua jarri eta neuk zatiak bereiztea, rotulagailuekin. Horrela, argi ikus dezakete testuak eskemako zati guztiak betetzen dituela (tesia, sarrera-teknika  osatzen duten esaldiak, arrazoiak, ondorioak, balizko konponbideak edo irtenbideak, norberaren bizipenak eta konklusio orokorra), alegia, argudio testua, azken batean, hezurdura edo eskema haragiz hornitzea dela. Ikusi ahal izan dute iritzi artikulu hori eskema hartatik atera dela eta eskemako ideia guztiak bertan jasota daudela, hau da, eskemaren gorputza dela.

-          ETXERAKO LANAK:

o   Bi taldeetan: Iraganeko nor-nori-nork lantzeko berariazko ariketa analitikoak, Bakarka liburukoak  (erantzun-orriak ere banatu dizkiet). Denak asteburuan egitea ez dela derrigorrezkoa adierazi diet, euren nahieran administra ditzatela ariketa hauek. OHARRA: ariketa hauek ez dira blogean egongo.

o   Bi taldeetan: Bidaiatzeko aholkuak. Ulermen-jarduera honetan, batetik, hitz bankuko hitzak txertatu behar dituzte araudiaren hutsuneetan eta, bestetik, a), b) eta c) artean aukeratu behar dute ondo deklinatuta dagoena. Lexikoa ikasteko eta mugagabea errepasatzeko, ariketa egokia da guztiz.

o   Bi taldeetan: Iritzi artikulua. Honako bi gai hauek aukeran: “Haurrentzat / animalientzat logelarik ez gure ostatuan” edo “Hondarribia city”.

o   Bi taldeetan: Miel Anjel Elustondo. Euskal diaspora: “Ezagutzen ez dena ez dugu maite” izeneko ulermen jarduera, galderak eta erantzunak uztartzekoa.

o   EGINAK IZAN BEHARREKOAK:

§  Bi taldeetan: Alde daramaten egitura nahiz esapideak lantzeko ariketa. Esaldietako hutsuneak bete behar dituzte, ALDE hitzarekin osatutako egiturak erabiliz. Klasean zuzenduko dugunez, egunero ekarri, zuzendu arte.

§  Bi taldeetan:  Ez dut azkoitiarra ematen izeneko ulermen-jarduera. Klasean zuzenduko dugunez, egunero ekarri, zuzendu arte.

§  Bi taldeetan:ENTZUNAREN ULERMENA: Hilerria online. (jarduera, ebazpena eta audioa, blogean eskuragarri).

§  Pernando amezketarra. (Arratsaldeko taldean, zuzendua dago; Goizeko taldean, zuzentzeke). Klasean zuzenduko dugunez, egunero ekarri, zuzendu arte.

§  Arratsaldeko taldean: Lehenengo eskola eguna. Aurreko ikasturteetako ikasleek ekoiztutako 28 esaldi banatu nizkien ikasleei, baina erlatibozkoen kasu-marka (nor, nork, nori) kenduta. Ikasleek esaldi horietako erlatibozkoak deklinatu behar  dituzte. Klasean zuzenduko dugunez, egunero ekarri, zuzendu arte.

§  IKUS-ENTZUNA: Umerik gabeko hotelak. Egun, gero eta gehiago dira haurrik onartzen ez duten hotelak, turista batzuen lasaitasuna bermatzeko aitzakiarekin, baina gaia aski eztabaidagarria da; izan ere, batzuen ustetan, neurri diskriminatzailea edo baztertzailea da hori. Arratsaldeko taldean, egina; Goizekoekin, egiteke. Ikasleek birritan ikus dezatela bideoa eta, ikusi ahala, zortzi esaldiak ordena ditzatela. Ondoren, 2. jarduera egin dezatela: artikulu osoa irakurri eta hamar esaldi osatu, esaldien lehen zatia eta bigarrena uztartuz (=lotuz). Bi ariketen EBAZPENA, blogean dute.

§Perretxikotara joateko garai berriak deritzon cloze-testa (OSO GOMENDAGARRIA). Honekin batera, ebazpen orriak ere banatu nizkien, azalpen guztiekin argudiatuta, jarduera eurek zuzen zezaten; dena den, zalantzarik izanez gero, galde diezadatela edozein egunetan eta argituko diet.

Lehenengo gaian, identifikazio pertsonalaz ari gara. Euskaldunon alderdi fisikoa ez ezik, izaera ere azter dezagun. “Hain serioak al gara euskaldunok?” izeneko ulermen jarduera. Bertan, testutik ateratako hainbat esaldi txertatu behar dituzte hutsune ego kietan. AUKERAKO JARDUERA da, nahi duenak egitekoa, eta ebazpena (=erantzun orria) blogean dago