Maila Aurreratuko 41. eskola, martxoaren 20 eta 24koa

41. eskola, martxoaren 20 eta 24koa

Arratsaldeko taldean:

- AHALERA orainaldian: indartze ariketak zer moduz egin dituzten galdetu diet eta, zalantzarik baduten; izan badituzte, argitu.

- Euskaljakintza.com web orriko ariketak (orainaldiko ahalera: nor, nor-nork eta nor-nori-nork) gelan egin ditugu eta, ondoren, arbel digitalean zuzendu.

- DESBERDINTASUNEZKO KONPARAZIOA azaldu diet.  Horretarako, Gramatika eta ariketak II  liburuko 50. gaia azaldu diet (184. eta 185. orrialdeak), euskaraz desberdintasunezko konparazioak nola egiten diren ikasteko.

- AHOZKO ADIERAZPENA (25´) . Zentral nuklearrak bai ala ez? Japoniako Fukushima zentral nuklearrean orain dela hiru urte tsunamiaren ondorioz gertatutako istripua aitzakiatzat hartuta, zentral nuklearren gainean jardun dute solasean: beharrezkoak diren ala ez, hauen aldekoek / aurkakoek ematen dituzten argudioekin bat datozen ala ez, etab.

-          3. gaiari ekin diogu:  EROSKETAK - MERKATARITZA

- Hasteko, “Lacoste eta bere krokodilo famatua”  jarduera zuzendu dugu. Bertan, hainbat esaldi txertatu behar zituzten; bestalde, testuan agertutako hainbat hitz euren sinonimoekin uztartu behar zituzten (hauek testua irakurri ahala zuzendu ditugu). Berridazketak hurrengorako utzi ditugu. Irakurri ahala hainbat ohar egin dizkiet, esaterako:

-          gogora ekarri = gogorarazi

-          (nahiz) tenislari(entzat) nahiz golflarientzat =

-          (zein) tenislari(entzat) zein golflarientzat =

-          Ez bakarrik tenislarientzat, golflarientzat ere...=

-          Tenislarientzat  ez ezik, golflarientzat ere... =

-          Bai tenislarientzat, bai golflarientzat…=

-          Hala tenislarientzat, nola golflarientzat…=

- ETXERAKO LANAK:

·         Desberdintasunezko konparazioa lantzeko, Gramatika eta ariketak II liburuko 186. eta 187. orrialdeetako ariketak. 1. eta 3. ariketak eurek zuzen ditzatela; 2.a eta 4.a, gelan zuzenduko ditugu (arratsaldekoei ez diet bidali 4.a).

·         Euskal egitura jatorrak.

·         Gogorarazi iritzi artikulua egin behar dutela.

·         Outlet-ak: urte osoan zehar merkealdian dauden saltokiak izeneko ulermen jarduera, ulermen orokorra lantzekoa.

 

Goizeko taldean:

Arratsaldeko taldearen 40. eskolan egindakoa.

+ Herria / hiria bateratze saioari denbora gehiago eskaini diogu

- Ez dugu zentral nuklearren gainean hitz egin.

- Ez ditut konparaziozkoak azaldu.