Tarteko Mailako 37. eskola, otsailaren 27 eta martxoaren 10ekoa

37.  eskola, otsailaren 27 eta martxoaren 10ekoa

-          MINTZA JOKOA: NOR-NORK IRAGANA (2. Saioa): Nik esaldi bat ipini diet arbelean eta ikasleek, ondokoari NORK edo NOR – edo biak – aldaraziz, adizki egokia txertatu behar izan dute esaldian. Ahozko jarduera hau gustura egiten dute eta nahiko ondo.

-          Perpaus kontzesiboak:  pertsonaia ezkutuen kopiak banatu dizkiet. Eurek taldeka egindako jarduera hau joan den egunean egin eta arbel digitalean zuzendu genuen. Nik txukundu, argazkiak erantsi eta kopiak banatu dizkiet.

-          Ziberbikoteen testuan ageri diren ELKAR ugariak eta euren idazlanetako akatsak  erreferentziatzat hartuta, ELKAR elkarkaria azaldu diet astiro.

-          ELKAR lantzeko nire ariketak egin ditugu. Arratsaldeko taldean, bostak egin eta zuzendu ditutu ; goizekoan, berriz, 5. ariketa eta 1. ariketa egin eta zuzendu ditugu (gainerakoak hurrengoan klasean egitekotan geratu gara).

-          Goizeko taldean, Kantu eta guzti cloze-testa zuzentzen amaitu dugu, 29. itemetik aurrera, astiro, beharrezko azalpenak emanez :

 

o   EgoTEAK , kantaTZEAK  (nominalizazioa NORK kasuan. ZERK?)

o   Dakar(tza)t, dakar, dakargu, dakarzu, dakarzue, dakarte / darama(tza)t, darama, daramagu, daramazu, daramazue, daramate. Trinkoak izanik, une honetan gertatzen ari den eta, beraz, amaitugabea den ekintza adierazten dute aditzok. Ez ditzatela nahastu “ekarri dut” (amaitua, burutua) eta “ekartzen dut” (ohikoa, egunerokoa) adizkiekin.

o   Egonak BAdira ERE (kontzesiboa)

o   Pianoarekin BAINO EZ gara joan = pianoarekin BAIZIK EZ gara joan = pianoarekin BESTERIK EZ gara joan = pianoarekin BAKARRIK joan gara.

o   Debekatuta dago aparkatzea, bertakoek IZAN EZIK (= salbu)

o   Cristina EZ EZIK, Tania ERE leiho ondoan dago eserita.

o   Gehiago ikasi EZIK = EZEAN, ez duzu gaindituko (ezezko baldintza) = Gehiago ikasten ez baduzu,…

o   ORAIN DELA = DUELA (ORAIN DUELA)

o   NONGOAK: hoteletakoAK < hoteletako oroitzapenAK

o   Erabat = guztiz = zeharo

o   Hala nola = esate baterako = adibidez

o   Nola hala (de algún modo, en cierta manera): Ikasturte hau gainditu behar dut nola hala (nola edo hala)

o   Hala ere = dena den

o   Izan ere = zeren (kausazkoa)

-          Arratsaldeko taldean, AHOZKO ADIERAZPENA : Inauterietako bidaia antolatzen (25´). Binaka, fitxa bat izan dute esku artean eta bidaia bat antolatu behar izan dute, emandako gidoia jarraituz. Ohartarazi ahalera erabiltzen dela horrelako planak egiten direnean:

-          Ongi iruditzen bazaizu, Soriara JOAN GAITEZKE = JOAN AHAL GARA = JOATEN AHAL GARA (Naf.)

-          Han, “Laguna Negra” IKUS DEZAKEGU = IKUSI AHAL DUGU = IKUSTEN AHAL DUGU (Naf.)

Horretarako, orainaldiko ahalerako IZAN eta UKAN adizkien taula banatu diet, erabil dezaten.

-          Goizeko taldean, AHOZKO ADIERAZPENA: Euskal Herriko Inauteriak (25´) Inauteriez aritu gara solasean. Aurrez esan bezala, ikasleak taldeka bildu dira eta Euskal Inauteria  izeneko testua oinarritzat harturik, ikasle bakoitzak prestatu duen zatia azaldu die taldekideei. Adibidez, ikasle batek Gipuzkoan inauteriak nola ospatzen diren azaldu die taldekideei; beste taldekide batek, berriz, Nafarroako hainbat herritako ohituren berri eman die; hirugarren batek Markitos izan du mintzagai…Honela, herri desberdinetako inaute-ohituren berri izan dute denek, elkarri emandako informazioari esker.

-          ETXERAKO LANAK :

o   Eurek oker egindako hamar esaldiak zuzen ditzatela ELKAR behar bezala erabiliz.

o   Iraganeko NOR-NORK adizkiak eta bizidunen deklinabidea uztartzen dituen ariketa.

o   Arratsaldekoek, “Euskal Inauteria”  izeneko testua osorik irakur dezatela – bertan, Euskal Herriko toki desberdinetako inauterien deskribapena egiten da, beraz, datorren asterako egokia delakoan eman diet - . Osorik irakurri ostean, ikasle bakoitzak zati bat prestatu beharko du gainerako taldekideei ahoz azaltzeko. Neuk adierazi diot bakoitzari zein atal prestatu behar duen.

o   Arratsaldekoei, idazlan bat bidali diet. Inaute-aste horretan gune horietako batera joateko landetxea erreserbatu behar dute internet bidez. Horretarako, 80 hitzeko emaila eskatu diet. Neuk jasotzeko izanen da.

o   Arratsaldekoei, Jon Arretxeren “Ostegunak” irakurliburua irakurtzen has daitezela.

o   Arratsaldekoei, Jokalari bakartien kluba izeneko ulermen-jarduera, jokozaletasuna gaitzat duena.

o   Arratsaldekoei, gogorarazi kontzesiboen gaiari amaiera emateko, badutela aukerako ariketa bat: 21. orrialdeko 4. ariketa, eurek egin eta zuzentzekoa. Gogorarazi diet esaldi bakoitza kontzesibo modu guztiak erabiliz egitea komeni zaiela eta erantzunak banatu nizkiela. Dena den, ariketa horri buruzko galderak noiznahi egin ahal dizkidatela esan diet, ariketa hori ez baita egun jakin baterako, eurek errepasatzeko baizik.